د کرهڼي پوهنځي زده کړیالانو ته په کرهڼیز او څېړنیز فارم کي د ونو د پیوند عملي کار ترسره سو
نېټه: ۱۴۴۶/۳/۷ ه.ق
د هلمند کرهڼي او مالدارۍ ریاست اړوند د بولان کرهڼيز او څېړنیز فارم ته د هلمند پوهنتون د کرهڼي پوهنځي د بڼوالۍ څانګي زده کړیالان، د یادي څانګي د استاد پوهنمل شمس الدین وفا په ملتیا تللي او د نوموړي فارم د مسؤلینو او استاد له لوري ورته د میوه دارو ونو د پیوندولو عملي کار ترسره سو.
په ورته وخت کي نوموړو په یاد څېړنیز فارم کي د ګڼو کریو څخه هم لیدنه وکړل.
د یادولو ده، چي د هلمند پوهنتون مسؤلین تل هڅه کوي، تر څو خپلو زده کړیالانو ته د علمي او عملي پروګرامونو لپاره لاري هواري کړي.
