.علمي بخالت او د هغه اخروي عذاب تر عنوان لاندي اصلاحي سیمینار وړاندي سو

helmand@123
سه‌شنبه ۱۴۰۳/۱۲/۱۴ - ۱۴:۴۳

نېته: ۴/۹/۱۴۴۶ ه.ق
 

د هلمند پوهنتون د غونډو په تالار کښي د دعوت او ارشاد امریت له لوري  د علمي بخالت او د هغه اخروي عذاب تر عنوان لاندي مهم اصلاحي سیمینار وړاندي سو. چي پر مهال یې ددې پوهنتون استادانو، اداري کارمندانو او خدماتي کارکوونکو ګډون کړی وو.

سمینار د دعوت او ارشاد امر مولوي عبدالقیوم ذاکر صاحب له خوا پیل سو،  نوموړي  د علم ارزښت، د هغه شریکولو اړتیا او د علم پټولو د بدو پایلو په اړه د قرانکریم آیتونه او د رسول الله ﷺ حدیثونه وړاندي کړل.

ښاغلي ذاکر صاحب د قرآن کریم  هغه ایتونو ته اشاره وکړل، چي د رښتیا او هدایت پټونکي باندي د الله تعالی له لوري لعنت ویل سوی، همداراز هغه د رسول الله ﷺ دا حدیث شریف هم وړاندي کړ ، څوک چي علم پټ کړي، الله جل جلاله به د قیامت په ورځ د اور پړی د هغه پر خوله واچوي.

نوموړي وویل، د علم پټول لوی ګناه دی او هغه کسان چي علم پټوي، د الله تعالی په نظر ډير سخت ګناهګاره دي.

د سمینار پر مهال ښاغلي ذاکر صاحب علم شریکول صدقه جاریه وبلل او زیاته یې کړه،  که خلک په دې نیت علم کوي، چي خلکو ته اسانتیاوې رامنځته کړي، دغه علم به هغوی ته د جنت لار پرانیزي.

مولوي عبدالقیوم ذاکر صاحب ټینګار وکړ، چي علم باید د ټولني د اصلاح، پرمختګ او د اسلامي ارزښتونو د خپرولو لپاره وکارول سي او هغه څوک چي پوهه لري، باید  له نورو سره شریکه کړي ، ترڅو ټولنه له جهالت څخه وژغورل سي.

یاد سمينار په دعايې ویلو سره پای ته ورسېد.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS