نویو زده کړیالانو ته د پوهنتون پېژندني علمي او معلوماتي سمینار!

helu_admin
دوشنبه ۱۴۰۲/۷/۱۰ - ۱۱:۴۰
image
نویو زده کړیالانو ته د پوهنتون پېژندني علمي او معلوماتي سمینار!
نېټه: ۱۲/۳/۱۴۴۵
ورځ: پنج شنبه
هلمند پوهنتون خپلو نویو زده کړیالانو ته د پوهنتون پېژندني علمي او معلوماتي سمینار وړاندي کړ.
په دې سمینار کي چي د یاد پوهنتون رهبري، استادانو، اداري مسؤلینو، زده کړیالانو او د هلمند ولایت مقام مسؤلینو هم شتون درلود، د یاد پوهنتون محترم رئیس الحاج حافظ مولوي محمد نسیم حقاني صاحب په وینا پیل سو، نوموړي نویو زده کړیالانو ته د ښه راغلاست ویلو ترڅنګ د هغوی په مسؤلیتونو خبري وکړې.
او ویې ویل: انسان په علم او ادب سره د کمال او شخصیت لوړ پوړ ته رسېدلای سي، نو له همدې کبله نویو زده کړیالانو ته په کار ده چي د پوهي، کمال او ادب په لاسته راوړلو کي هڅي وکړي او د خپل علم او کمال په مټ نورو ته ګټه ورسوي او د خپل ولس دردونو ته دوا سي.
نوموړي زده کړیالانو ته په خطاب کي وویل: تاسو ته په کار ده چي د قرانکریم او نبوي لارښوونو سره سم خپلي چاري سرته ورسوئ ترڅو په دنیا او اخرت کي سرلوړي سئ.
د یاد سمینار یو بل تن ګډونوال خوږ ژبی ترانه ویونکی حافظ سمیع الله یاسر د هیواد ابادۍ ته د هڅولو په مضمون او هدف ښکلې ترانه د سمینار ګډونوالو ته په ښکلي اواز ترنم کړه.
د هلمند پوهنتون مالي او اداري مرستیال ډاکټر سمیع الله سعید هم په خپل وار سره د سمینار ګډونوالو ته ښه راغلاست ووایه، نوموړي نویو زده کړیالانو ته په خطاب کي وویل: تاسو اوس لوړي زده کړي کوئ نو په همدې اساس ستاسو څخه دولت او ولس هم لوړي غوښتني لري نو ستاسو اخلاق، اهداف، افکار او کړني هم باید لوړي وي.
د هلمند مرستیال والي الحاج مولوي عبد الرحمن کندوزی صاحب هم نویو زده کړیالانو ته په وینا کي وویل:
دا د خپلو ځانو لپاره نېکمرغي و بولئ چي تاسو لوړو زده کړو ته بریالي سوي یاست، نو تاسو ځانونه کمزوري مه بولئ لوړ عزم ولرئ او ستر هدف و ټاکئ او له خپلو شته امکاناتو اعظمي ګټه واخلئ ځکه ددې هیواد د راتلونکي برخلیک ټاکونکي تاسي یاست.
نویو زده کړیالانو ته د پوهنتون پېژندني تر عنوان لاندي سمینار د هلمند پوهنتون محترم استاد نذیر احمد رښتیني صاحب لخوا وړاندي سو چي د پوهنتون د اصولو او مقرراتو په اړه اړین معلومات ګډونوالو ته وړاندي سول.
همدا راز د پوهنیار استاد حمید الله حمیدي صاحب له لوري بیا د ځوانانو او زده کړیالانو مسؤلیتونو تر عنوان لاندي سمینار وړاندي سو چي د زده کړیالانو د دندو او مسؤلیتونو په اړه په لازمه توګه معلومات ګډونوالو ته وړاندي سول.
سمینار په اختتامیه دعا سره پا ته ورسېد.
هلمند پوهنتون نشراتو کمېټه

تازه خبرونه

چهارشنبه, جولای 17 2024 2:28 PM
Background image

د ادارې او مدیریت درې ورځنی ورکشاپ پيل سو

نېټه: ۱۴۴۵/۱/۱۷ ه.ق

د هلمند پوهنتون مسلکي پرمختیا مرکز په همکارۍ  د هلمند، سیندیزي حوزې لوی ریاست او فرعي  حوزې ریاست اداري کارمندانو ته د اداري او مدیریت اړوند د وړتیا لوړني درې ورځنی. . .

پنجشنبه, جولای 11 2024 12:51 PM
Background image

له نشه یي توکو پاک افغانستان علمي کنفرانس په اړه لمړنۍ معلوماتي غونډه وسوه

نېټه: ۱۴۴۶/۱/۵ هـ.ق

هلمند پوهنتون د غونډو تالار کي د مسلکي پرمختیا مرکز په همکارئ  د ۱۴۴۶ ه.ق کال په اوږدو کي د دایرېدونکي علمي کنفرانس په اړه لمړنۍ معلوماتي غونډه ترسره سول.
غونډه کي. . .

سه‌شنبه ۱۴۰۳/۴/۱۹ - ۱۴:۱۳
Background image

د شرعیاتو پوهنځي د فارغ محصلانو د پایلیکونو لړۍ پیل سول

نن سې شنبه د هلمند پوهنتون د غونډو په تالار کي د شرعیاتو پوهنځي د لمړۍ دورې د زده کړیالانو د پایلیکونو دفاعوي د یوې غونډي په ترڅ کي پیل سول.

په غونډه کي د هلمند پوهنتون رئیس ښاغلي شیخ. . .

BACK TO NEWS