هلمند پوهنتون کي د کرهڼي او مالدارۍ د علمي څېړنو کنفرانس پيل سو
نېټه: ۱۴۰۳/۷/۲۲ ه.ش
نن يکشنبه د هلمند پوهنتون د غونډو په تالار کښي د کرهڼي او مالدارۍ د علمي څېړنو کنفرانس د دوو ورځو لپاره پيل سو.
ياد کنفرانس چي د دې پوهنتون د علمي څېړنو آمريت له لوري د پي، ډي، سي مرکز په تخنيکي همکارۍ چمتو سوى وو.
په نوموړي کنفرانس کي د پوهنتون رهبرۍ، استادانو، اداري کارمندانو او زده کړیالانو سربیره د ولایت مقام، د خصوصي پوهنتونونو، ښاروالۍ، پوهني رياست او نورو ادارو استازو هم حضور درلود.
د کنفرانس د پيل وينا د دې پوهنتون د علمي چارو مرستيال پوهنيار محمد نعيم "دوست" وکړه، هغه راغلو استازو او ګډونوالو ته ښه راغلاست ووايه او د یاد کنفرانس لومړني معلومات یې ګډونوالو ته وړاندي کړل.
ورپسې استادانو د کرهڼي، مالدارۍ، وترنرۍ او اقتصاد څانګو کي د ترسره سوو څېړونو پايلي او لاسته راوړني شريکي کړې.
د کنفرانس لومړۍ مقاله د اقتصاد پوهنځي استاد عبدالمالک کریمي "په هلمند ولایت کي هندواڼو ته د بازار موندني اقتصادي تحلیل" په سرلیک پیل کړل.
وروسته دوهمه مقاله د زراعت پوهنځي استاد پوهمنل عبدالحميد نظري " د پنبې د شوتې مرض د مخنیوي موثره درملو د کتني" په سرلیک، دریمه مقاله د یاد پوهنتون د څېړنیز مرکز مسؤل پوهندوی دوکتور علي احمد احمدي" د کرنیزو محصولاتو لپاره منظم مارکېټ" په عنوان خپلي موندني له ګډونوالو سره شریکي کړې.
دغه راز څلورمه مقاله د وترنري علومو پوهنځي استاد پوهنمل محمد امان احمدزي " د هلمند ولایت د مرغدارۍ د موجوده وضعیت تحلیل" په عنوان او وروستۍ مقاله د زراعت پوهنځي استاد پوهنیار عبدالولي همت له لوري" د غوښینو چرګانو په فارمونو کي د واکسین د ناکامۍ د عواملو" تر سرليک لاندي خپلي لاسته راوړني وړاندي کړلې.
د کنفرانس په بهير کي مناقشه هم ترسره سوه او د ګډونوالو پوښتنو ته تفصیلي ځوابونه ورکړل سوه.
باید وویل سي، چي یاد کنفرانس به سبا دوشنبه هم دوام ولري او د استادانو له خوا به د ترسره کړو څېړونو موندني او لاسته راوړني له استازو او حاضرینو سره شریک سي.
