په هلمند پوهنتون کي د یو شمېر دیني مدارسو استادانو ته د څېړني مېتودولوژۍ څلور ورځنی ورکشاپ پای ته ورسېد 

helmand@123
سه‌شنبه ۱۴۰۳/۱۲/۷ - ۱۴:۵۰

نېټه: ۲۶/۸/۱۴۴۶ هـق کال

په هلمند پوهنتون کي د دیني مدارسو استادانو ته په حنفي فقهي کي د څېړني میتودولوژۍ څلور ورځنی سیمنار پای ته ورسېد. دغه سیمنار چي د یاد پوهنتون د مسلکي پرمختیا آمریت د غونډو په مرکز کي ترتیب سوی وو، په کښې د هلمند ولایت د یو شمېر دیني مدارسو څخه لسګونو استادانو ګډون درلود

د سمینار استادان د مسلکي پرمختیا آمر مولوي عبدالحمید هلمندی او د شرعیاتو پوهنځي استاد دوکتور مولوي نقیب الله ثاقب وو، چي دواړو د څېړنیزو مېتودونو پر پېژندني، اساسي اصولو او مرحلو سربېره په حنفي فقه کي د څېړني پر ارزښت، مېتودولوژۍ او تطبیق هر اړخیز بحثونه وکړل او دغه راز  یې د فقهي شخصیت ، د فقهي جزئې ، د قلمي اثارو او   پر فقهي موضوعاتو د څېړنیزو مېتودونو د اصولو او مرحلو تطبیق په اړه ګډونوالو ته روزنه ورکړل.

باید وویل سي، چي دا لومړی ځل دی چي هلمند پوهنتون د څېړني په برخه کي د دیني مدارسو و منسوبینو ته علمي سمینارونه وړاندي کوي، د هلمند پوهنتون رهبري عزم لري چي د ورته سمینارونو لړۍ د هلمند تر ټولو مدارسو پوري و غځوي، چي په وینا یې د دا ډول روزنیزو سمینارونو دوام به د دیني مدارسو استادان د عصري څېړنیزو معیارونو سره بشپړ اشنا کړي، چي له مخي به یې د همدې اصولو او معیارونو  په رڼا کي د اسلامي علومو پراختیا ته وده ورکړي.

تازه خبرونه

سه شنبه, اګست 26 2025 4:28 PM
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه, اګست 04 2025 4:28 PM
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه شنبه, جولای 29 2025 3:46 PM
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS