.د استادانو له خوا په علمي ژورنالونو کي د نشر سوو مقالو د پایلو شریکولو درې ورځنی کنفرانس پیل سو

helmand@123
دوشنبه ۱۴۰۴/۱۱/۲۰ - ۱۵:۳۱
کنفرانس

نن ورځ دوشنبه، د هلمند پوهنتون علامه خطابي بستي "رحمه الله" د غونډو په تالار کي د هلمند پوهنتون د استادانو له خوا په علمي ژورنالونو کي د نشر سوو مقالو د پایلو شریکولو تر عنوان لاندي درې ورځنی کنفرانس پیل سو.

یاد کنفرانس د هلمند پوهنتون د مسلکي پراختیا د پلان په اساس او د یاد پوهنتون د څېړنیز مرکز او علمي مجلې آمریت په همکارۍ دائر سوی وو، چي د پرانیستي پر مهال یې د هلمند پوهنتون رئیس، شیخ الحدیث و التفسیر مفتي محمد شریف الله ابو احمد صاحب، د پوهنتون استادانو او د بېلا بېلو ریاستونو استازو ګډون درلود.

کنفرانس د قرآن کریم د مبارکو آیاتونو په تلاوت سره پیل سو.

وروسته د پوهنتون رئیس شیخ الحدیث و التفسیر مفتي محمد شریف الله ابو احمد صاحب پرانیستونکې وینا واوروله. نوموړي ګډونوالو ته د ښه راغلاست تر ویلو وروسته، د دغه علمي کنفرانس پر ارزښت او اړتیا رڼا واچوله.

هغه وویل چي نړۍ ورځ تر بلي د تخصصي علومو او ژورو څېړنو پر لور روانه ده او نور په عمومي معلوماتو بسنه نه کېږي. د هغه په وینا، موږ ته هم ښایي چي د خپل دین د ساتني او د هیواد د هر اړخیز پرمختګ لپاره تخصصي زده کړو او علمي څېړنو ته جدي پاملرنه وکړو.

ښاغلي ابو احمد صاحب ټینګار وکړ چي علم باید یوازي په نظري چوکاټ کي محدود پاته نه سي، بلکي عملي ډګر ته راووزي او د ټولني د اړتیاوو ځواب ووايي. هغه علمي نهادونه د هیواد د ځان بسیایني اساسي مرکزونه وبلل او زیاته یې کړه چي د هلمند پوهنتون رهبري چمتو ده څو د ټولني سره د ورګډېدو اصل ته په پام، د خپلو استادانو او څېړونکو له علمي وړتیاوو او استعدادونو څخه په بېلابېلو برخو کي اغېزمنه استفاده وکړي.

د کنفرانس په بهیر کي د هلمند پوهنتون د استادانو له خوا ټاکل سوي موضوعات وړاندي سوه، چي په لومړۍ ورځ د پوهنمل محمد الله محمدي له خوا د ارګونو میکس، د پوهنیار نذیر احمد رښتیني له خوا په پښتو ادبیاتو کي د ساینسفیکشن تطبیقاتو ته کتنه، د پوهنیار محمد یعقوب سنګین له خوا د انسان سیروم البومین مالیکولي جوړښت او د هغه د فیزیولوژيکي فعالیتونو څېړنه او د پوهنمل حمید الله حمیدي له خوا د اشاروي ژبي بلاغي ارزښت ته کتني تر عنوان لاندي موضوعات وړاندي سوه.

د یادوني وړ ده چي دا کنفرانس به درې ورځي دوام وکړي او د ولایت مقام په ګډون اوولس سکتوري ادارې پکښې برخه لري.

 

 

 

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS