.د اسلام له نظره متقابل احترام او د چاپلوسۍ عذاب په اړه علمي او اصلاحي سمینار وړاندي سو

helmand@123
چهارشنبه ۱۴۰۴/۶/۲۶ - ۱۴:۲
متقابل احترام

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د ( متقابل احترام او چاپلوسۍ ترمنځ توپیر او د چاپلوسۍ عذاب د اسلام له نظره) تر عنوان لاندي یو علمي او اصلاحي سمینار وړاندي سو، چي په کښې د پوهنتون استادانو، اداري او خدماتي کارکوونکو ګډون کړی و.

د هلمند پوهنتون د دعوت او ارشاد آمر محترم مولوي عبدالقیوم ذاکر صاحب د سمینار په پیل کي وویل: اسلام د انسان د ژوند ټول اړخونه په ښکلي او عادلانه ډول منظم کړي دي.

هغه زیاته کړه، له هغو ارزښتونو څخه چي اسلام پرې ټینګار کړی، یو هم متقابل احترام دی. متقابل احترام دا دی چي د یو بل حقوق وپېژندل سي او په حق او عدالت ولاړ درناوی وسي.

نوموړي د رسول الله ﷺ د ارشاد په حواله وویل، چي  مسلمان د مسلمان ورور دی، نه دي ظلم  پر کوي، نه دي یې بې وسه پرېږدي او نه دي  یې هم سپکوي.

ښاغلي ذاکر صاحب په خپلو خبرو کي ټینګار وکړ، چي  اسلام چاپلوسي سخت منعه ګرځولې او  چاپلوسي یې داسي عمل یاد کړ،  چي یو څوک د بل د خوښۍ یا د دنیاوي ګټي لپاره داسي ستاینه وکړي، چي حقیقت ونه لري او یا په کښې مبالغه وکړي.

د سمینار په پای کي مولوي عبدالقیوم ذاکر صاحب  د متقابل احترام او چاپلوسۍ ترمنځ توپیر څرګند  کړ، چي په وینا یې متقابل احترام د صداقت او عدالت پر بنسټ ولاړ دی، چي مینه او ورورولي رامنځته کوي، خو چاپلوسي د دروغو او مبالغې پر بنسټ ده چي فساد، تکبر او منافقت زېږوي.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS