.د اهل سنت والجماعت عقيدې په اړه ديني او علمي سمينار وړاندي سو
نن د هلمند پوهنتون د غونډو په تالار کښي، د دعوت او ارشاد آمریت له لوري د اهل سنت والجماعت د عقيدې په اړه ديني او علمي سمینار ترسره سو، چي په کښې د پوهنتون ګڼ شمېر استادانو، اداري کارکوونکو او خدماتي کارمندانو ګډون کړی و.
په پيل کي د دعوت او ارشاد آمر محترم مولوي عبدالقيوم ذاکر صاحب د سمينار د موخو او ارزښت په اړه خبري وکړې او د اهل سنت والجماعت د عقيدې اصلي اصول يې په ساده او څرګنده توګه تشريح کړل.
نوموړي وویل، چي د اسلام سپېڅلی دين اعتدال، منځلارۍ او د قرآن او سنتو پيروۍ ته خلک رابولي او هر ډول افراطي تمايلونه د دې مبارک دين له اساساتو سره په ټکر کي دي.
ښاغلي مولوي عبدالقيوم ذاکر صاحب د اهل سنت و الجماعت ډلي د عقیدوي اساساتو په اړه مفصل بحث وکړ او زياته یې کړه چي د دې عقیدې پیرویانو ته لازمه ده، چي د ټولني د اصلاح لپاره خپلي هڅي وکړي او اجتماع ته دي د منځلارۍ، ورورولۍ او د دې عقېدې په رڼا کي دیني پیغامونه ورسوي.
