د علمي همکاریو او اړیکو د ټینګښت په موخه د هلمند پوهنتون او غزني تخنیکي پوهنتون ترمنځ دوه اړخیزه هوکړه لیکونه لاسلیک سو
نېټه: ۱۴۴۶/۵/۷ ه.ق
نن شنبه د هلمند پوهنتون د ریاست په انګړ کي د ګډو همکاریو تفاهم لیکونه د هلمند پوهنتون د رئیس شيخ الحدیث حافظ مولوي محمد نسيم "حقاني" او د غزني تخنیکي پوهنتون د رئیس پوهنمل فدامحمد "محمدي" ترمنځ د یاد پوهنتون د نشراتو مدیر ښاغلي خالد او د کوربه پوهنتون د رهبرۍ غړو په حضور کي لاسلیک سو.
د ياد رسمي تفاهم لیک د لاسلیک په بهیر کي د دواړو علمي بنسټونو مسؤلینو د دغه تړون په اړه څرګندوني وکړې او ویې ویل، چي د نوموړي تفاهم لیک په اساس به د پوهي او سرچینو تبادله، د مشترکو څيړنیزو پروژو د پلي کولو او په ځانګړي ډول د اړوندو پوهنځیو علمي او اداري تجربو په ښه توګه شریکولو اسانتیا رامنځته سي.
د یادولو وړ ده، چي مخکي هم هلمند پوهنتون د اکاډمیکو همکاریو په موخه دوه اړخیزه تفاهم لیکونه د ګڼو پوهنتونو سره د اړیکو د پیاوړتیا، د څېړنیزو پروژو د ترسره کولو او نورو مشترکو چارو لپاره لاسلیک کړي دي.
