.د هلمند پوهنتون د کرني پوهنځی محصلانو فراه پوهنتون ته دوه ورځنی علمي سفر تر سره کړ

helmand@123
دوشنبه ۱۴۰۴/۹/۱۰ - ۱۶:۳۹
فراه

د هلمند پوهنتون د کرنې پوهنځي د هارټيکلچر څانګې یو شمېر محصلانو د یادي پوهنځی د یو تن استاد د پوهنمل دوکتور شمس‌الدین وفا په مشرۍ، د علمي ظرفیتونو د لوړولو او د متقابلو تجربو د تبادلې په موخه، فراه پوهنتون ته دوه ورځنی علمي سير تر سره کړ.

یاد علمي سير د فراه پوهنتون د غونډو په تالار کې د دواړو پوهنتونونو ترمنځ د علمي همکاریو د پراخېدو په موخه د یوې ګډې ناستې په ترسره کېدو سره پیل سو.

په دې ناسته کي د فراه پوهنتون علمي او محصلانو چارو مرستیال د هلمند پوهنتون له راغلي پلاوي څخه تود هرکلی وکړ او څرګنده یې کړه چې د ټول هیواد په کچه د سراسري امنیت له تامین سره، د پوهنتونونو ترمنځ د علمي همکاریو پراخ فرصتونه رامنځته سوي، چې باید ترې اغېزمنه ګټه واخیستل سي.

وروسته، د هلمند پوهنتون استاد پوهنمل دوکتور شمس‌الدین وفا د هلمند پوهنتون علمي، اداري او فزیکي جوړښت، ليرلید، مأموریت، ستراتیژیکي موخي، د څېړنو او تدریس ساحې، علمي امکانات او نور اړوند موارد په مفصل ډول ګډونوالو ته تشریح کړل.

له دې وروسته د فراه پوهنتون د مسؤلینو له خوا د هلمند پوهنتون محصلان او استادان، د فراه پوهنتون د کرني پوهنځی، څېړنیز فارم، لابراتوارونو او نورو علمي څانګو ته د لیدني په موخه رهنمایي کړه.

 دغه راز د هلمند پوهنتون محصلینو د خپل سفر پر مهال، د فراه ولایت د الغرافه باغ، شنو خونو او تاریخي ځایونو څخه هم لیدنه وکړه او خپل دوه ورځنی علمي سير یې پای ته ورساوه.

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS