د هلمند پوهنتون د کرهڼي پوهنځي زده کړیالانو ته د مونوګراف او څيړنيز راپور لیکلو يو ورځنی ورکشاپ وړاندي سو.
نن دوشنبه د هلمند پوهنتون د غونډو په تالار کي د مسلکي پراختیا مرکز په همکارۍ د مونو ګراف لیکني او څېړنیز راپور لارښود يو ورځنی ورکشاپ ددې پوهنتون د څېړنیز مرکز آمر ښاغلي پوهندوي دوکتور علي احمد لخوا د کرهڼي پوهنځي د څلورم ټولګي محصلینو ته وړاندې سو
په یاد ورکشاپ کي د څېړنو اړوند سریزه لیکل، تېرو لیکنو ته کتنه، مېتودلوژي، نتیجه او مناقشه، پايله وړاندي کولو، سپارښتنو او APA میتود د اخځونو لیکل په نظري او عملي بڼه وړاندې سوه.
دا راز د هلمند پوهنتون د کرهڼي پوهنځي دوو تنو استادانو پوهنیار عبدالوهاب سیدي او پوهنیار عبدالولي همت هم په یاد ورکشاپ کي اړین معلومات له محصلینو سره شریک کړل او د څېړنې په برخه کي له محصلینو سره عملي کار ترسره کړ.
