په هلمند پوهنتون کي د ځنګلونو او چاپیریال ساتني په اړه د عامه پوهاوي سمینار وړاندي سو

helmand@123
سه‌شنبه ۱۴۰۴/۱/۵ - ۱۵:۵۵
سمینار

د هلمند پوهنتون محصلانو ته د ځنګلونو او چاپیریال ساتني په اړه مهم د عامه پوهاوي سمینار وړاندي سو. دغه علمي او روزنیز سمینار د محصلانو چارو معاونیت له لوري د انجینري پوهنځي استاد پوهنیار غلام یحیی څرګند په همکارۍ وړاندي سو، چي په کښي د چاپیریال خوندیتوب، د اوبو د دوامداره کارولو او د طبیعي سرچینو د ارزښت په اړه مهم معلومات شامل وه.

د سمینار په پیل کي د چاپیریال پر مفهوم او په کښي موجود طبیعي عناصرو، اوبه، هوا، ځمکه، اور او خاوري باندي اساسي بحث وسو.

همداراز د اوبو د مناسب مدیریت، د ځنګلونو د وهلو مخنیوي او د ایکوسیستم د ساتني اړوند موضوعات هم مطرح سول.

په پریزنټېشن کي د اوبو د دوامداره کاروني پر اهمیت هم خبري وسوې او ګډونوالو ته د شنو سیمو د ارزښت، د طبیعي زېرمو د خوندي ساتولو او د ټولنیز مسؤلیتونو په اړه لارښووني وسوې.

د یادوني وړ ده، چي په افغانستان کي د چاپیریالي ننګونو له امله د داسي علمي او روزنیزو سمینارونو ارزښت ډیر دی. دغه ډول د عامه پوهاوي پروګرامونه مرسته کوي، چي د چاپیریال ساتني کلتور دود کړي او د طبیعي زېرمو د خوندي ساتلو لپاره اغېزناک ګامونه پورته کړي.

تازه خبرونه

سه‌شنبه ۱۴۰۴/۶/۴ - ۱۶:۲۸
Background image

.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌. . .

دوشنبه ۱۴۰۴/۵/۱۳ - ۱۶:۲۸
Background image

.د کیفیت لوړاوي او اعتبار اخیستني د نوي ۱۱ ګونو معیارونو د تشریح درې ورځنی ورکشاپ پیل سو

د هلمند پوهنتون د تضمین کیفیت آمریت له لوري د کیفیت لوړاوي او اعتبار اخیستني اړوند درې ورځنی ورکشاپ د دې پوهنتون په د غونډو په تالار کي پیل سو.

په ورکشاپ کي د پوهنتون مرستیالانو، د. . .

سه‌شنبه ۱۴۰۴/۵/۷ - ۱۵:۴۶
Background image

.د نبوي سنتو اهمیت د عصري ستونزو په حل کي  تر سرلیک لاندي  یو اصلاحي سمینار وړاندي سو

نن د هلمند پوهنتون د دعوت او ارشاد آمریت له لوري  د علمي فعالیتونو د دوام په لړ کي " د نبوي سنتو اهمیت د عصري ستونزو په حل کي " تر سرلیک لاندي یو  اصلاحي سمینار وړاندي سو.

دغه سمینار د. . .

BACK TO NEWS