.هلمند پوهنتون کي د دیني او اصلاحي مجلسونو د ارزښت او اغېزو په اړه سمینار ترسره سو

helmand@123
سه‌شنبه ۱۴۰۴/۶/۴ - ۱۶:۲۸
خبرتیا

د هلمند پوهنتون د دعوت او ارشاد آمریت له لوري د پوهنتون په مرکزي مسجد کي د اسلام له نظره د دیني او اصلاحي مجلسونو د ارزښت او اغېزې تر عنوان لاندي یو علمي او اصلاحي سمینار جوړ سو، چي په‌ کښې د پوهنتون استادانو، اداري او خدماتي کارکوونکو ګډون کړی وو.

د دعوت او ارشاد آمر مولوي عبدالقیوم ذاکر صاحب، په خپله وینا کي وویل، چي دیني او اصلاحي مجلسونه د فردي اصلاح ترڅنګ د ټولني د فکري یووالي او د بدعتونو او انحرافاتو د مخنیوي لپاره اغېزمن رول لري.

هغه زیاته کړه، اسلامي دعوت اورېدل د ګناهونو څخه د ځان ساتني یوه مؤثره لار ده. صحابه کرامو به خپل واړه اولادونه هم دې مجلسونو ته بیول، څو د دیني او اصلاحي خبرو په اورېدو  عادت سي.

مولوي ذاکر صاحب، په خپل بیان کي دا ډول مجلسونه له هره اړخه ګټور وبلل او زیاته یې کړه، چي دا ډول غونډي د خلکو تر منځ د ورورولۍ او یووالي فضا پیاوړې کوي او ناسم رواجونه او ټولنیز اختلافات له منځه وړي.

د دعوت او ارشاد آمر،  له ګډونوالو وغوښتل چي د عامه پوهاوي په برخه کي هم خپل مسؤلیت ادا کړي او په ټولګي، بهرني چاپيریال، کورني فضا او په مروجو رسنیو کي  د دیني او اصلاحي ارزښتونو خپرولو ته ځانګړې پاملرنه وکړي.

 

تازه خبرونه

پنجشنبه, نوومبر 05 2026 10:55 AM
Background image

د بیولوژي محصلینو خپلي څېړنیزي پایلي له روغتیايي مسؤلینو سره شریکي کړې.

د هلمند پوهنتون د ښووني او روزني پوهنځي د بیولوژي څانګي د څلورم ټولګي محصلینو او استادانو له لوري د څېړنیزو پایلو د شریکولو او عامه پوهاوي په موخه د هلمند ولایت د عامي روغتیا ریاست له. . .

دوشنبه, نوومبر 02 2026 2:40 PM
Background image

د هلمند پوهنتون په نوښت د ادبي او فرهنګي بهير او «څراغ» ادبي جريدې پرانيستنه وسوه.

نن د هلمند پوهنتون د پښتو ژبي او ادبیاتو څانګي په نوښت، د ادبي او فرهنګي بهير او «څراغ» ادبي جريدې پرانيستنه وسوه. په دې مناسبت جوړه سوې غونډه کي د هلمند پوهنتون رهبرۍ، استادانو،. . .

یکشنبه, اکتوبر 25 2026 2:41 PM
Background image

د هلمند پوهنتون د سیالیو ۲۰ غوره محصلان وستایل سول.

هلمند پوهنتون کي د عاليقدر أمیرالمؤمنین حفظه الله و رعاه د پنځو فرمانونو کتاب او قرائت سیالیو د ممتازو محصلانو د ستایني لپاره غونډه ترسره سوه، چي په بهیر کي یې ۲۰ تنو ممتازو محصلانو ته. . .

BACK TO NEWS